Елдің бәрі өмірлері үшін әлек болып жатқанда сен менімен бірге бол
⠀
Лондон туралы жазбаларым көп емес, бір апта осы қала жайлы жаза тұрсам, ренжімейсің бе? Есесіне пайдалы зат пен әдемі суреттер салып отырамын. Құр отырғанша оқып отыр.
⠀
Ең танымы мол жердің бірі мен үшін Жаратылыстану және ғылым мұражайы болды. Адам деген коронавирус десе де ағылып жатқан жер. Сыртынан қарасаң сарай, ішініне кірсең де солай екен. Бұл мұражайдағы Дарвиннан бастап бар экспонат жайлы маған Айгерим
@kussaiynkyzy айтып берді. Жалпы, осы кісімен қыдырсаңыз гид керек емес. Атын оқып тарихтағы ісін айта бастайды.
⠀
Ал мұражай несімен ерекше және онда туристерден басқа жергілікті халық неге көптеп келеді?
⠀
Британ метрополитандарынан жиналған тарихи жәдігер біразы осы жерде. Ең көзтартарлығы - динозаврлар! Бір үлкен бөлім ішінде олардың қалай пайда болеаны, қандай болғаны және қайда жоқ болып кеткенін айтады. Көк кит сүйегі мен динозаврлар қаңқалары жайлы айтпасам да белгілі. Мені таңырқатқаны бірнеше зат.
⠀
1. Мұражайда экспонаттарды ұстап көруге болады. Кинестетик адамдардың рахаты дерсің, тіпті бір динозавр сүйегін де арнайы мен секілді сипап көргенді ұнататын жандарға арнаған.
2. Кіру толығымен тегін. Есесіне әр бұрышта "МҰРАЖАЙҒА ҚОРЫНА ҚАЙЫРЫМДЫЛЫҚҚА АҚША ТАСТА" деп айғайлап тұратын волонтерлер бар. Мықты ой ғой. Адамдар кіргенде 5 фунт тастағанша, садақа деп одан да көп тастағаны артық емес пе?
3. Монетизация деңгейі аспан ғой. Әр бөлімге арналған бір дүкен бар. Негізі динозавр көруге келетіндер көбісі - балалар. Отбасымен не мектпеппен келіп жатады. Қуанып тарихи жәдігерді көрдім деп шыққандарға арнайы дүкен бар. Онда не сатады дерсіз? Дұрыс! Динозавр ойыншықтары, канцелерия тауарлары мен оқулықтар. Осылайша музейге келген бала әсерден бөлек естелік те сатып алады. Одан өзге кейде мұражайды жалға береді екен. Бай болсаң, бастаңғы жасасаң да болады екен.
4. Мен сияқты атын шыққанын қалайтын адамдарға дәліз қабырғаларын арнапты. Балалар не ересек адамдар мұражай логосы бар тегін параққа суреи салып кете алады. Оған марка жапсырып үйге жіберсең - открытка, мұражайда қалдырсаң - қабырғадағы экпонат болады.
5. Бұл жерде сабақ өтеді. Студенттер келіп осында лекция тыңдайды. Балалар болса, ұстап не шұқып көруге болатын түрлі залдарда жыныстық сауаттылықтан бастап ми құрылымына дейін түсіне алады. Мысалы, жады түрлері мен өз жадыңның деңгейін біле аласың!
Сосын осы мұражай қабырғасында Ғылыми зерттеу институты да бар екен. Онда жас ғалымдар өз зерттеулерін істеп отыра береді. Бір ғимаратты барынша қолдану арқылы мен сияқты сараң адамға тарихты қолжетімді етеді. Өзбекстанда Әмір Темір мұражайына паспортыма қарап 2 есе ақша сұрағаны есіме түсіп, біртүрлі болып қалдым ғой. Бізде де мұражай табысын келтіретіг осындай жайт бар шығар. Келешекте интерактивті кеңістік ашсаңыздар, түртіп көргісі келетіндер көп екенін ескеріңіздер. Ақша табу да қиын болмасы анық.
#cabarintheuk#сүмбіле_сапары